Auteur/autrice : Philippe Peraut

Privi di vittoria dapoi u 30 di sittembre, l’Aiaccini si rendenu in Goal issu dopu meziornu cù l’ambizione di fà un resultatu nanzu di riceve à u Sporting di Parrighji, sabbatu prussimu per compie u primu ciculu di macci… Trenta di settembre. Eccu a data di l’ultima vittoria aiaccina (2-1 in Hérouville). Dapoi, i « bianchi è rossi » ùn anu pigliatu ch’un puntu (3-3) in Bicetre per trè scunfitte di fila di fronte à bethune (4-7), in Kingersheim (8-1), in u macciu particulare è di fronte à Toulouse à u Palatinu à l’ultima seconda (3-4).  » Ritruvemu, à pocu à pocu,…

A famligia di u Sporting s’appronta à festighjà i dodeci è tredeci di ghjugnu di u 2021, i quaranta anni di a vittoria di i Turchini in cuppa di Francia. Ind’una cunferenza di stampa data stu mercuri in i scagni di Furiani, a manifestazione serà prisentata di manera più precisa. Sperendu, di ghjungnu, chè a crisa sanitaria serà daretu à noi… U tredeci di ghjugnu di u 1981, u SECB vince a sola cuppa di Francia mai pigliata da u club corsu. Ricordi di ‘iss’evenimentu quèi, ci hè tanti è più. Chè issa vittoria fù, à l’epica, a vittoria di…

Prova internaziunale, u Biking Man, spezia di sfida à bissiclette in u mondu sanu, hè statu in Corsica, ultima tapa, da Anthony Duriani, un Isulanu, à a fine di u mese scorsu. Specializatu in a corsa à pedi, l’atletu bastiacciu hà compiu un percorsu d’ottu centu chilometri in menu di trentottu ore… Creatu da Axel Carion, un Francese specializatu in a splurazione, u Binking Man hè una spezia di corsa à bissicletta in giru à u mondu sanu induve l’atleti anu a particularità d’esse soli in cundizione streme. Una sfida natura ma à bissicletta. Per za so terza edizione, a…

Ottanta trè spurtivi, tutti scritti nantu à e liste ministeriale è chì pudarianu esse à più o menu longu andà, purtati ver di i nivelli i più alti, ponu cuntinuà à travaglià è intrenà si. Una bona per tutti, atleti, educatori, dirigenti per ùn piantà micca l’attività è a prugressione di i ghjovani. Ma certi sò da cantu… S’è a crisa sanitaria hè ghjunta à mette un frenu à l’attività spurtiva di i ghjovani cù e cunsequenze ch’è noi li pudemu cunnosce, u Guvernu francese, per via di a Ministra di i Sport, avia datu u so accunsentu per ciò…

Membre di u « Pôle Espoir » di Corsica induve ella hè a solu femina, Olivia Romiti face parte di a famosa struttura chì adunisce i dodeci ghjovani i megliu di a so catuguria. Senza piglià si u capu, a zitella travaglia tutta a settimana è colla in Bastia a dumenicata per ghjucà cù i « menu di quattordeci anni » di u Sporting… Dapoi anni è anni è per quelli ch’ùn la sanu micca, u ghjocu à ballò, ùn hè più dedicatu, solu, à l’omi o i masci per i più chjuchi. Liò o u PSG è ancu a squadra di Francia feminile…

Sesta di a classifica à un picculu puntu di a terza piazza, a squadra bastiaccia face un principiu di stagione chèi tene a strada. Ancu s’è u mantenimentu stà u scopu maiò di a squadra dirigente, si pudaria pensà u FCBB capace di ghjucà appena più altu. Da seguità… Sesta di u Naziunale cù diciassette punti, una piccula lunghezza di ritardu nantu à Créteil (terzu, diciottu punti), quattru vittorie, cinque parità, trè scunfitte, una difesa chì tene a strada (ondeci realisazione incasciate), trè macci senza perde, u principiu di staghjone di u FCBB hè appena megliu chè l’annu scorsu à…

A scunfitta di sabbatu di fronte à Montpellier è, d’una manera generale, u percorsu di i rossi è turchini mettenu l’omi di Fred Ferrandez in periculu. Ultimu di a classifica dopu à cinque partite, u GFCA hè in u duru. È paca, ci vole à dilla, e cunsequenze spurtive di a crisa sanitaria… Un solu puntu, cinque scuffitte di fila, l’ultima piazza di a classifica, ùn s’aspettava micca à un principiu di stagione cusì difficiule per i rossi è turchini. Si sà chè per via di a crisa sanitaria di marzu scorsu, cù cunsequenze finanzarie maiò, u Gaz devia appruntà…

A vittoria di sabbatu scorsu in Clermont permette, aldilà di i trè punti, di ripiglià cunfidenza. Un successu da cunfermà sabbatu chì veni di fronte sta volta, à Troyes, secondu di a classifica. Ci sò vittorie, in u ghjocu à pallò, chì valenu più chè trè punti. Quella di l’ACA in Clermont sabbatu scorsu ne face parte. È senza sapè ciò chì hà da accade dopu, si pò pensà chè i bianchi è rossi anu principiatu, in fine, u so campiunati. Parechji elementi danu a cunferma d’iss’ analisi. Prima u statutu di l’avversariu, ch’ùn avia mai persu in casa soia. Dopu…

À cinquanta anni, issu atletu anzianu medagliatu ulimpicu in canuttaghju  hà battutu à u principiu di u mese, quattru prove suprane naziunale in a corti di a SNA in Aiacciu. Stu ghjovi matina, s’attaccava à a prova suprana di u mezu maratonu… Ùn si contanu più e sfide di Frédéric Kowal, anzianu famosu atletu rinumatu à u nivellu naziunale (ottu volte campione di Francia) è internaziunale (duie participazione à i ghjochi ulimpichi in Atlanta cù a medaglia di bronzu è Sydney). È s’ellu hà arrestatu a so carriera dopu à dodeci anni, ùn hà, à dilla franca, mai piantatu l’attività…

Più di centucinquanta atleti amatori o cunfirmati anu participatu deci ghjorni fà à u secondu Corisca Paddle Trophy. Una manifestazione messa in piazza da l’associu « Sens Corsica » gestitu da Daniel Damien è Laurent Lorenzi… U paddle (spezia di tavula à l’usu surf ma induve ci vole à palichjà cù rame), face a so strada in Corsica. S’è e strutture si facenu sempre aspettà, e manifestazione, elle, si multiplicheghjanu. Frà elle, una cumpetizione maiò, u Corsica Paddle Trophy messu in piazza l’annu scorsu da Daniel Damien è Laurent Lorenzi di l’associu « Sens Corsica ». Cusì deci ghjorni fà, ci era a seconda…