Privi di vittoria dapoi u 30 di sittembre, l’Aiaccini si rendenu in Goal issu dopu meziornu cù l’ambizione di fà un resultatu nanzu di riceve à u Sporting di Parrighji, sabbatu prussimu per compie u primu ciculu di macci…
Trenta di settembre. Eccu a data di l’ultima vittoria aiaccina (2-1 in Hérouville). Dapoi, i « bianchi è rossi » ùn anu pigliatu ch’un puntu (3-3) in Bicetre per trè scunfitte di fila di fronte à bethune (4-7), in Kingersheim (8-1), in u macciu particulare è di fronte à Toulouse à u Palatinu à l’ultima seconda (3-4). » Ritruvemu, à pocu à pocu, una squadra cumpetitiva, spiega Adrien de Pietro, intrenore di i « bianchi è rossi », ancu sè tuttu u mondu s’hè battutu cum’è un liò, u ritornu di qualchì quadru ci face prò. È n’avemu bisognu. » Per a nanz’ultima partita di a primu ciculu di u campiunatu, nanzu di riceve Parrighji à u Palatinu, sabbatu chì vene ind’un macciu à sei punti, l’Aiaccini si ne vanu in Goal, issu dopu meziornu (16.30) ghjucà contru à una squadra cun quale sò stati à u tocca à tocca a maiò parte di l’annu scorsu, in seconda divisione. « Una squadra di qualità, aghjusta Adrien de Pietro, s’hè alluntanata da a fine di a classifica. Ci hà tuccà à esse pascienti, serii è realisimu s’è no vulemu fà un resultatu. A squadra hà travagliatu in issu sensu quì. Ci hà da vulè à esse regulari ma sopratuttu à 200% s’è no vulemu stà in a corsa à u mantenimente. » Per issa partita quì, l’ACA si passerà, torna una volta di Kelson è Dottel (suspesi), Saïd, capitanu (feritu), Dembélé è Soukouna (u so casu serà esaminatu da quì à pocu per ottene, in fine, a so qualificazione). Ritornu, quantunque di Menvouddidouit, purtieru titulariu à Obargui (vultatu da a selezzione). Scopu, ripiglià fiatu è vultà cù un resultatu.
16.30, in Goal
U gruppu aiaccinu: Menvouiddidiot, Veni, Zé Carlos, Essaghir, Biqrina, Paolini, Basilio, Obargui, Fricheteau, Adrio, Fernandes-int: A. De Pietro
