Anthony Duriani vince u Biking Man Corsica

0

Prova internaziunale, u Biking Man, spezia di sfida à bissiclette in u mondu sanu, hè statu in Corsica, ultima tapa, da Anthony Duriani, un Isulanu, à a fine di u mese scorsu. Specializatu in a corsa à pedi, l’atletu bastiacciu hà compiu un percorsu d’ottu centu chilometri in menu di trentottu ore…

Creatu da Axel Carion, un Francese specializatu in a splurazione, u Binking Man hè una spezia di corsa à bissicletta in giru à u mondu sanu induve l’atleti anu a particularità d’esse soli in cundizione streme. Una sfida natura ma à bissicletta. Per za so terza edizione, a corsa s’hè scalata in Corsica da u 26 à u 30 d’ottobre scorsu. À u prugrama per più di centu è dece atleti, un percorsu d’ottu centu chilometri da Biguglia à Biguglia passendu per Portu, u paese aiaccinu, Purti Vechju, l’Ospedale o u Capi Corsu. Cù u cunfinamentu, l’atleti sò stati ubligati d’adattà si è d’ùn pudè corre trà nove ore di sera è sei ore di mane. Senza rivale da u principiu à a fine di a manifestazione, u Bastiacciu Anthony Duriani vince in trentasette ore è dicenove minute. A corsa, chì di regula, deve cuntà sei prove in giru à u mondu, hè stata per via di a crisa sanitaria, compia in Corsica, terza tapa. Aspettemu, avà, l’edizione di u 2021 cù, perchè micca una altra prova suprana d’Antò Duriani.

Sparte

Dipusità unu cummentariu