3
U Tennis Club di u Casone urganizeghja trè ghjurnate à porte aperte di settembre. U publicu puderà scopre l’infrastrutture, scuntrà a squadra pedagogica è compie e pratiche necessarie per scrive si à u club o à a Scola Municipale di Tennis.
U Tennis Club di u Casone si prepara à accoglie ghjovani è adulti per una nova stagione spurtiva. Trè ghjurnate à porte aperte sò previste mercuri u 9, sabbatu u 12 è mercuri u 16 di settembre 2026, da 10 ore à 5 ore di sera. Quella di u 12 di settembre si tenerà ind’è u quadru di « Associ in Festa ».
Ste ghjurnate permetteranu à l’interessati di visità l’infrastrutture, di scuntrà l’educatori è di riceve tutte l’infurmazioni nant’à u funziunamentu è l’iscrizzioni. U club hè apertu sette ghjorni nant’à sette, da u luni à a dumenica, da 8 ore di mane à 8 ore di sera.
A Scola Municipale di Tennis ripiglierà e so attività à partesi da u 21 di settembre. I primi corsi cullettivi destinati à i zitelli principieranu mercuri u 23 di settembre. Seranu assicurati da educatori diplumati, in un ambiente sicuru è adattatu à ogni fascia d’età.
L’iscrizzioni si ponu fà direttamente à u Tennis Municipale Aiacciu-Casone o per mezu di i cartulari dispunibuli nant’à u situ di a Cità d’Aiacciu, sia per l’adulti, sia per i zitelli.
Per a stagione chì và da u 1mu di settembre 2026 à u 31 d’aostu 2027, a cuntribuzione annuale, fora di a licenza di a Federazione Francese di Tennis, hè di 120 euro per i zitelli da 4 à 10 anni è di 150 euro per l’adulescenti da 11 à 18 anni, cù un corsu à settimana. Per duie lezziò settimanale, u prezzu hè di 210 euro per i zitelli è di 260 euro per l’adulescenti. L’abbunamentu per l’adulti, cù solu l’accessu à i terreni è senza corsi, costa 170 euro à l’annu. A griglia cumpletta di i prezzi hè dispunibule in ligna.
A licenza FFT ùn hè micca gestita da u club. Ogni aderente duverà dunque fà ne a dumanda direttamente nant’à u situ di a Federazione Francese di Tennis. U pagamentu di e cuntribuzioni si ferà solu per sceccu o carta bancaria, à a Direzzione di i Sport, à u cumplessu Pascal-Rossini, à partesi da uttrovi 2026.
L’aderenti puderanu riservà i terreni nant’à ballejaune.com, scegliendu u club Tennis Municipal Ajaccio. Per quelli chì ùn sò micca aderenti, a lucazione hè pruposta à 18 euro l’ora, cù un massimu di duie ore di fila. A riservazione è u pagamentu si facenu nant’à a piattaforma Anybuddy.
Per ogni infurmazione, hè pussibule di cuntattà u club à u 06 26 71 41 48 o per email à tennis_municipal@ville-ajaccio.fr.
