ACA-Orléans 1-2 (0-1)
Tempu frescu
Terrenu bonu
Arbitru: M. Kherradji
Arbitri laterali: MM Lang è Bel Abbès
Spettatori: 1500 à pocu pressu
Realizatori: ACA: Marchetti (82a) , Orléans: Fortuné (5a p., 65a)
Avertiti: ACA: Chanot (29a), Vidal (90+6), Orléans: Agounon (90a), Matimbou (90+2)
ACA : Quilichini- Quemper, Chanot, Vidal, Strata (Campanini 86a)- Mangani (cap. Nouri 69a), Marchetti, Puch (Jabol 46a)- Jacob, Touré (Touzghar 46a), Chegra (Bammou 63a)-A: O. Pantaloni
US Orléans : Matimbou- J. Touré (Santin 46a), Jean-Pierre, Saint-Ruf (cap.), Solvet- Agounon, Bretelle (Niakate 83a), Goujon, Ponti (Theresin 89a)- Dabasse (Soumare 77a), Fortune- A: K. Mokeddem
Entruti troppu tardi i u so macciu, l’Aiaccini anu persu issu dopu meziornu in Timizolu di fronte à l’ondecisimu di Naziunale
A « maledizzione » di a cuppa di Francia cuntinueghja per l’ACA, mai capace, issu dopu meziornu, di piglià a suprana nantu à Orléans fora di l’ultime minute. Olivier Pantaloni avia decisu di fà girà appena. Quilichini, Strata, Puch, Touré è Chegra titularii, mentre chè Quemper è Chanot vultavanu. Ma Timizolu hà da esse rinfrescatu dopu à 5 mn di ghjocu. Dabasse entre in u spaziu di penalità, Hè ripigliatu, pare di manera regulare da Quilichini ma casca è M. Kherradji accorda un pénalty trasfurmatu da Fortuné (5a). L’ACA si rimette in ordine di marchja è piglia e cumande di u macciu…Per pocu tempu. À dilla franca, pochi situazione periculose davanti à a cabbia di Matimbou ind’un primu tempu debule. L’Aiaccini piglianu, à pocu à pocu a suprana ma à spessu nantu à colpi franchi. Dopu à un centru di Jacob, un difensore d’Orléans scarta u ballò da a manu ma l’arbitru ùn dice nulla. Un macciu chì s’assumiglia à una a trappula, masimu chè l’Aiaccini perdenu troppu ballò in mezu terrenu. Peghju, Quilichini caccia un ballò di 2-0. Cinque mn dopu, Fortuné s’avanza è stuccia ma u ballò pichja u palu drittu di Quilichini, battutu (37a). Pocu ritimu, ballò persi, micca tiri quadrati, è 45 mn per scambià u scenariu di a partita, Olivier Pantaloni t’hà qualchì penseru quandi M. Kherradji manda tuttu u mondu in i spugliatoghi.
Marchetti intratene a fiara
L’Aiccini principianu u secondu tempu cù d’altre intenzione. Dopu à un stucciu di Marchetti cacciatu da Matimbou, Touzghar marca d’u capu ma l’arbitru ricusa a realisazione per un fora ghjocu limitu (46a). Sei minute dopu, Ghjè Chegra chì stuccia ma u ballò passa vicinu d’a cabbia (51a). L’ACA hè in fine entrutu in u so macciu. Ma per pocu tempu. Orléans lascia passà a timpesta è ripiglia fiatu. Eppo, nantu à u tiru direttu vicinu à u spaziu di penalità aiaccinu, Fortuné marca per a seconda volta (65a). À 2-0 contru à elli, a scunfitta s’avvicina di più in più per l’ACA di capu ind’a conca. I « bianchi è rossi » anu quantunque u meritu di cuntinà à mette a pressione davanti à a cabbia di Matimbou. D’un magnificu tiru direttu, Marchetti marca (82a). Fermanu ottu minute per ottene a parità. L’Aiaccini mettenu una pressione di scemu davanti à a cabbia di Matimbou. À l’ultima minuta, Marchetta t’hà u ballò di a parità ma u so stuccia passa da sopra a cabbia avversa. Una reazzione troppu tardiva. peccatu.
