À cantu à u so macciu durante tuttu u primu tempu, l’ACA, chì perdia 1-0, hà pussutu reagisce in secondu tempu per ottene a parità
Vince per assicurà u mantenimentu, eccu u scopu d’una squadra aiaccina chì deve una rivincita à i so sustenidori dopu à u macciacciu di marti in Valenciennes. Senza Sollacaro ch’avia pigliatu una cartulina rossa, l’Aiaccini entrenu à passi misginu in issa partita. Ci vole aspettà vinti minute di ghjocu per vedeli pruvà di mette u ballò in u spaziu di penalità. Ma li piace à l’ACA di mettesi a pressione nantu à e spalle. Ghjuchemu dapoi vintitrè minute quandu Coulibaly prufitta d’un cuntrolu sbagliatu da Vidal per andà à marcà. Peghju, l’ACA hè privu, qualchì minuta dopu, di Touzghar, feritu, chì lascia a so piazza à Soumano -35a). Mai periculosi è à cantu à u so sughjettu, l’Aiaccini ùn anu mustratu nulla ind’un primu tempu induve parenu dorme.
In principiu di secondu tempu l’ACA decide, in fine, di mustrà altre affare. I « bianchi è rossi » ghjocanu più lestru è u cuntenutu hè megliu. È ùn tardanu micca marcà. Hamza Sakhi piglia u ballò, s’avanza è stuccia à l’entrata di u spaziu di penalità, Leroy ùn pò fà nulla (53a). Tandu, ùn hè più u li stessu macciu. L’Aiaccini piglianu a suprana nantu à una squadra nurmanda di più in più in difficultà. I « bianchi è rossi anu e cumande di a partita durante tuttu u secondu tempu cù parechje situazione periculose, masimu cù stucci diretti ma mancanu di precisione. À l’arrivu, un puntu chì assicureghja u mantenimentu di l’Aiaccini. Ma si sò fatti paura.
Stadiu Mighele Moretti
ACA-Quevilly 1-1 (0-1)
Tempu frescu
Terrenu bon
Spettatori: 4482
Arbitru: Sgiò Letexier accumpagnatu da sgiò Mugnier è Rahmouni
Avertiti
ACA
QRM: Camara (21a)
Realisazone
ACA: Sakhi (53a)
QRM: Coulibaly (23a)
Squadre
ACA
MIchel- Youssouf, Avinel, Vidal, Strata- Baretto (Jacob 84a), Mangani, Jabol, Sakhi- Touzghar (Soumano 35a), Ibahyi- Add: O. Pantaloni
QRM
Leroy-Pierret, T. Cissokho, Batisse, Pendant- M. Camara (Delaurier 71a) , Cadiou (Poha 76a), N.Cissokho (Loric 71a), Gbelle (cap.)- Coulibaly (S. Soumano 71a), Yade (Roche 83a)-
Add: J.L. Garcia
