Auteur/autrice : Philippe Peraut

Senza esse tremende, i Bastiacci anu battu à Noisy le Grand, eri in Furiani (2-1). Per a prima volta dapoi dui anni, i Turchini, chì ghjucheranu contru à Caen u 6 o u 7 di ferraghju, anu da riceve una Lega una in Furiani… Ondeci anni. Facia ondeci anni chè u Sporting ùn avia più francatu e sedicesime di finale di a cuppa di Francia. Una cumpetizione induve i più « chjuchi » cercanu, à spessu, à scuzzulà i più maiò. È nanzu à Noisy le Grand, i Turchini n’avianu scuzzulatu duie : Le Mans, anziana squadra prufessiunale è Concarneau, duie squadre…

Francesca Maria Franceschi, diciassetti anni, hà ottenutu a seconda piazza à u campiunatu di Francia (menu di vintunu anni) a dumenicata scorsa in Niort. Un bellu resultatu dopu à a seconda piazza l’annu passatu à u campiunatu di Francia (menu di diciassetti). È una zitella chì pudaria esse, da quì à pocu, à capifila di a disciplina… U centru Taekwondo di Bastia si spiazzava, per a prima volta a dumenicata scorsa, à i campiunati di Francia di a disciplina in a categuria di i menu di vintunu anni. In a so « valisgia », Francesca Maria Francesca, classificata à a seconda piazza…

In u quadru di a rimessa à ghjornu di u calendariu, in u so gruppu di Naziunale trè, u Sporting ricivia à Côte Bleu, secondu di a classifica è seriu avversariu, sabbatu scorsu in Furiani. Senza mai esse in difficultà, i Bastiacci anu datu a lezziò (6-1) è ponu, cû ottu punti d’avanza, gestisce a seconda parte di u campiunatu… Issu Bastia-Côte Bleu era monda aspettatu, sabbatu scorsu in Furiani. Un capiclassifica di fronte à u secondu. L’imbusca era impurtante masimu chì e duie squadre eranu staccate di cinque punti. È ci vole à ricunnosce chè u  Sporting hà francatu…

Membre di u Tennis Club di Mezavia, Alice Battesti, quattordeci anni, principia, issu vennari in Tarbes, a ghjustra « Les petits As ». Una cumpetizione chì addunisce ghjucadori di e categorie 12-14 anni di u mondu sanu. L’occasione, per l’Aiaccina, di cunfirmà u so talente à mezu à ciò chì si face di megliu… In Corsica per ciò chì tocca à u Tennis, t’avemu à Chloé de Bernardini è di sicuru; Laurent Lokoli. Ma daretu, l’Aiaccina Alice Battesti, face, à pocu à pocu, a so strada à mezu à i maiò. È t’averà, d’altronde, l’occasione di fà si valè durante una decina…

U mezu terrenu di l’ACA hè statu sceltu da l’addestradore naziunale per participà à un’addunita in menu di 18 anni è menu di 19 anni. Una nutizia chì valuteghja u travagliu di furmazione di a squadra aiaccina… Pian’pianinu, u travagliu di furmazione di l’ACA porta i so frutti. Cusì è dopu à parechji ghjucadori, cumè i dui fratelli Matteo è Lisandru Tramoni, ghjè, quest’annu, u ghjovanu mezu terrenu di l’ACA, Félix Tomi chì hè statu sceltu da Lionel Rouxel è Jean-Luc Vannucchi, addestradori naziunali di i menu di diciottu anni è di i menu di dicianove anni per participà à…

Dopu à una bella partita di ripresa, sabbatu in Le Teil (25-28), e femine di u HAC mantenenu a so piazza à u capu di a classifica. Di colpu, u spiazzamentu dumenica in Beauvallon, terzu di u campiunatu, pudaria esse impurtante per a seguita… Quale hè chì pò, oghje, piantà a corsa di u HAC, capu di a classifica cù, hè vera, solu dui punti d’avanza nantu à HB Gardeen è Beauvallon (tutti i dui anu 23 punti)? Nimu la sà. È fermanu quantunque tredeci partite. Tandu, ùn ci vole micca pensà chè l’affare hè ind’u saccu Ma u cuntinutu…

Aiacciu chì ride è Aiacciu chì pienghje. Eccu cumu pudariamu fà u riassuntu di e partite d’issa dumenicata per e nostre squadre. Per a terza volta dapoi l’apertura di u campiunatu, l’ACA è u GFCA ricivaianu in casa soia. In Timizolu, i bianchì è rossi anu pigliatu a suprana nantu à Béziers (2-1). Mentre chì appenu più luntanu, u GFCA pigliava una piulata di quelle di fronte à Auxerre (0-4). Aiacciu capitale di a Lega duie, quessu valia bè un riportu nantu à Canal Plus sta sera (à mezu tempu di Red-Star-Lens). Ma aldilà di mustrà chè a Cità Imperiale…

S’hè spentu issu ghjovi à l’età di novanta quattru anni, Ghjuvanni Fabiani, presidente è fundadore di l’EGS, a so squadra di sempre. Cun ellu, sfugliemu qualchì pagina di u ghjocu à ballò isulanu è aiaccinu ma, à tempu, a storia d’issu quartieru natu in l’anni cinquanta… A nutizia hà cumossu  tutta a populazione aiaccina issu ghjovi dopu meziornu. Ghjuvanni Fabiani, famosu fondadore è presidente di l’EGS, s’hè spentu à l’età di novanta quattru anni. A cità imperiale è, aldilà, a populazione di u quartieru di i Salini sò, oghje, in dolu. Ch’anu persu, unu di i soi. Prisente in quellu…

U ghjucadore di squash d’Isula Rossa, campione di Francia è d’Auropa (menu di i tredeci anni) participava, issa dumenicata, à u British Junior di Birmingham. Una ghjustra internaziunale assai famosa per a so categuria. Dopu à un bellu Percorsu, hà persu in mezu finale di fronte à l’Inglese Eissa…À l’alba di l’annu novu chì li pudaria permette di francà un altru passu ver di l’alte cime spurtive, Antò Romieu, u famosu ghjucadore di squash balaninu, participava, issa dumenicata, in Birmingham, à a ghjustra internaziunale a più famosa di a so categuria. À mezu à ciò chì si face di megliu…

Dopu à a vittoria di u Sporting, sabbatu in Furiani, u GFCA hà fattu, ellu, a so valisgia, dumenica, paghendu, cum’è d’altre squadre prufessiunale, a rivolta di i chjuchi in cuppa di Francia…Di colpu, ùn ci serà chè Bastia per riprisentà a Corsica in i sedicesime di finale. In più di fronte à Noisy le Grand (R1) chì vene di caccià u Gazelec da a cuppa di Francia… Marseglia, Montpellier, Angers, Nîmes, Niort, Clermont, u ventu di a cuppa di Francia hà paratu parechje squadre prufessiunale. È, peccatu, u GFCA face parte di e squadre cacciate. Una scunfittta in Noisy…