À dicenove anni, l’atletu aiaccinu pa
rticipeghja à a prima prova di a cuppa di u mondu di vitezza u sette di ferraghju, in Svezia. Killian divaria fà ne quattru quest’annu. Una bona per un spurtivu chì face a so strada ind’una disciplina poca è micca aduprata in Corsica…
Si chjama Killan cum’è u famosu ghjucadore di ballò. Cum’è ellu, và lestru, lestru. ma u paragone si pianta quì. E pratelline verde per M’Bappé, e piste di schì nivate per Lanteri. Campione di Francia trè volte di fila, l’Aiaccinu Killian Lanteri-Thiercelin, dicenove anni, cerca, oghje, à francà un altru passu. Un’altra sfida per un zitelli falatu quantunque, parsunalmente à 177 chilometri à l’ora. Membre di a squadra di Francia di vitezza, una logica s’è noi pigliemu u so percorsu, Killian participeghja, u sette di ferraghju, à a prima prova di a cuppa di u mondu di vitezza in Idre (Svezia). In tuttu, u spurtivu serà prisente quattru volte, trè in cuppa di u mondu (Svezia, Finlanda l’ondeci di ferraghju, è Andorra u nove d’aprile), una à i campuinati di u mondu (Vars, Alpi u vintunu di marzu). Ghjè ghjustapuntu quallà chè l’Aiaccinu appronta a so prima sfida in a categuria Speed 2 in Svezia. Aspettendu, l’annu chì vene, di passà in Speed 1 (nivellu u più altu di a disciplina), vole francà un passu à u nivellu internaziunale.
