U Sporting mantene u so ritimu!

0

In u quadru di a rimessa à ghjornu di u calendariu, in u so gruppu di Naziunale trè, u Sporting ricivia à Côte Bleu, secondu di a classifica è seriu avversariu, sabbatu scorsu in Furiani. Senza mai esse in difficultà, i Bastiacci anu datu a lezziò (6-1) è ponu, cû ottu punti d’avanza, gestisce a seconda parte di u campiunatu…

Issu Bastia-Côte Bleu era mond94cdfa aspettatu, sabbatu scorsu in Furiani. Un capiclassifica di fronte à u secondu. L’imbusca era impurtante masimu chì e duie squadre eranu staccate di cinque punti. È ci vole à ricunnosce chè u  Sporting hà francatu un passu maiò ver di u scopu di cullà in Naziunale duie. U so macciu hè statu abbastanza bè gestitu. Masimu chè Poggi (4ma) è Schur (16ma) avianu avutu l’idea bona di marcà subbitu, cacciendu u pocu d’imbusca chì ci era. In fine, è dopu à una partita faciule, u Sporting piglia e so distanze: ottu punti d’avanza nantu à Côte Bleue, è nove nantu à Cannes. Ancu sè, d’un puntu di vistu matematicu, l’affare ùn hè fattu, si pò pensà chè i Turchini anu un pede, è ancu di più in Naziunale dui. Prussimu appuntamentu, issa dumenica in…Timizolu!

Sparte

Dipusità unu cummentariu