N3 : U Sporting inficca à l’ACA (2-0)

0

U Sporting hà vintu di manera logica, a seconda parte di u derby issa dumenica in Timizolu (2-0). una partita ammaestrata abbanstanza bè di fronte à una squadra chì, ben chè rinfurzata, ùn hà mai pussutu piglià u filu di u macciu. U Sporting mantene u so ritimu in capu di a classifica. L’ACA rinculeghja è si mette in periculu…Capture d’écran 2019-01-05 à 09.47.20

I sustenidori bastiacci eranu ghjunti numarosi issa dumenica in Timizolu. Più di trè mila per vede a so squadra piglià, di manera logica, a suprana nantu à una squadra di l’ACA abbastanza debule. Per prova, un primu stucciu biancu è rossu quadratu à una decina di minute di a fine. Fora di què, i ghjucadori di Stefanu Rossi, ùn anu micca avutu troppu difficultà. Ma ci vole à ricunnosce chè anu avutu a furtuna d’apre a marca subbitu…Dopu à un sbagliu di a difesa aiaccina. Issa realisazione di Kévin Schur (12ma) hà datu cunfidenza à i Bastiacci, è, à tempu, messu un colpu daretu à u capu di l’Aiaccini. Pocu occasione in issu primu tempu sin’à a seconca marca di i Turchini nanzu à u mezu tempu (Poggi 38ma). A seguita, torna una volta avenimenti disgraziosi dopu un colpu di Salis nantu à Finidori (duie cartuline rosse) ma, più gravu, entruta nantu à u terrenu di sustenidori di l’ACA. In fine, tuttu u mondu s’hè calmatu è, in secondu tempu, u sportu hà pussutu ripiglià i so diritti. Pocu occasione da a parte di l’Aiaccini fora di Zady, vicinu di marcà (67ma). È, in fine, una vittoria logica chì permette à i Bastiacci di cuntà, oghje, nove punti d’avanza nantu à Cannes, secondu di a classiffica…È prussimu avversariu a dumenica chì vene in “La Bocca”. L’AC A riceverà, per contu soiu, à Côte Bleue, un macciu chì sta volta, ci vulerà da vince…

Sparte

Dipusità unu cummentariu