Malgratu un secondu tempu interessante è qualchì occasione di marcà, u Gazelec ùn hà pussutu batte à Valenciennes eri ser in Mezzavia. Si piglia quantunque un pu
ntu chì li permette d’avanzà, à pocu à pocu ver di u so ughjettivu. È a seria cuntinueghja.
Ùn si sà s’ellu ci vole à esse suddisfatu o diillusu dopu à u macciu di u GFCA eri in Mezzavia di fronte à Valenciennes. Una partita chì quantunque dopu quattru puntu pigliati for’di casa è chì dumandava, ghjustapuntu, una cunferma. Un macciu appena stranu cù duie periode. Un primu tempu cù pocu ritimu, micca occasione, da chì addurmintassi. Ma un secondu assai megliu è qualchì occasione di marcà. Pinsemu sopratuttu à Blayac (52ma), Ndao, chì hà fattu un’intrata interessante (68ma) o Armand, in tutti i colpi ma sfurtunatu è micca abbastanza precisu. A precisione in l’ultima passa, a decione ghjusta à l’intrata di u spaziu di penalità, eccu ciò chì hà mancatu à i rossi è turchini chì, senza issa ghjustezza tecnica, devenu, oghje, suddisfà si d’un puntu. Un puntu chì quantunque, li permette d’avanzà, di cuntà ne vintisette dopu à vintitrè partite, è, à tempu, d’esse rassicurati in difese (una sola realisazione incasciata in trè partite) è di cuntinuà a seria (trè macci senzz perde). Un seria da mantene, issu vennari à u Red Star
