Pascal Risterucci s’hè spentu. Questu, curtinese di nascita, avia participatu à l’epupea incredibile di u Gazélec in l’anni sessanta. Campione di Francia di CFA in u 1963 è u 1965, Pascal Risterucci era un guardianu di butte chì hà purtatu i culori di u GFCA per 11 staghjoni, in l’anni di gloria di u club.
In a so carriera, stette luntanu da i campi per dui anni, per via d’una suspensione. Ma ritruvò torna u rettangulu verde più forte chè mai.
Oghje, tutta a famiglia di u Gazélec hè in dolu, ma ancu assai al di là. Corse Sport prisenta e so cundugleanze à tutta a famiglia, à l’amichi è à tutte e persone chì l’anu cunnisciutu. À u so figliolu Franck in particulare, chì hè un amicu di a nostra radio, pensemu cun affettu à ellu.
