U GFCA relegatu in N3!

Ultima passata di u Gazelec in  principiu di settimana. Mentre ch’ellu aspetta a prussima staghjone in N2, u GFCA chì passava davanti à a DNCG, hè statu relegatu in N3 per via d’un aspettu suldarinu . I dirigenti anu una decina di ghjornu per appruntà u so appellu…

Ghjè una bella piulata ch’ellu s’hè pigliatu u GFCA marti scorsu davanti à u gendarmu finanziariu di a FFF. Cunfideni, i dirigenti avianu appruntatu u so cartulare cù u budgettu di dui millione d’auri, ùn hà micca cunvintu a DNCG chì hà prununciatu a so relegazione in N3!  Una sintenza ch’ùn piace micca à a squadra dirigente. « Avemu prisentatu e guarantie necessarie, masimu i ducumenti rila

tivi à e suvvenzione. Ùn semu micca trattatu cum’è l’altri… »

Dopu à una relegazione spurtiva cù tuttu ciò ch’ella ripresenta per u GFCA, ghjè una relegazione amministrativa, sta volta, chì a tocca. Di maghju, a direzzione di u club avia mintuatu u risicu d’un depositu di bilanciu. Masimu quattru anni dopu à a Lega una è sopratuttu cù a perdita di statutu prufessiunale. Ma l’arrivu di dui azziunarii pudia assicurà, à più o menu longu andà, l’avvene di i rossi è turchini. U GFCA t’hà, avà una settimana per appruntà a so difesa…Frà tempu, si cuntuneghja l’aspettu spurtivu…