U GFCA in 32a di a cuppa di Francia

0

A squadra aiaccina hà suffertu stu sabbatu per francà l’ottesimu giru di a cuppa di Francia,  in Beaucaire (N3). Ci hè vulsutu ad aspettà a prulungazione per vede, quantuque i rossi è turchini vince issa partita. Ma si sà chè in cuppa, pocu impreme a manera, ghjè solu u resultatu chì conta.

20181126_25_3_1_0_0_obj18966026_1_xwh_642x490_xwhIn cuppa di Francia, l’impurtante, per e squadre e più maiò chì ghjocanu di fronte à d’altre, d’un nivellu più bassu, hè di passà, pocu impreme a manera. U “chjucu” ellu, ghjoca senza pressione è cerca, di tantu in tantu hà fà un percorsu in issa cuppa quì, riesciendu à batte squadre più forte.  In Beaucaire, sabbatu, nantu à un tarrenu ch’ùn era micca tremende per ghjucà à u ballò, u GFCA hè passatu vicinu, vicinu di l’eliminazione, cum’è d’altronde, quindeci ghjorni fà in Auch (1-0 dopu à e prulungazione). Ma, a sperienza è una forza fisica più impurtante l’hà permessu di francà issu giru. Di fattu, Della Maggiore avia sceltu di fà girà (Campanini, N’Doye, Roye, Armand, nantu à u bancu, Guidi è Palmieri suspesi). È l’Avversariu, ellu,  hà pussutu tene novanta minute nanzu di calà, fisicamente, à pocu à pocu. Tandu, u Gazelec, induve l’entrata di Jimmy Roye in mezu tarrenu hè stata decisiva, hà fattu a diferenza cù duie realisazione di Perquis (104a) è Roye  (113a). U GFCA ghjocherà in 32ma di finale, di ghjennaghju, aspettendu, forse, à u PSG in Mezavia. “A nostra cuppa, hè vennari di fronte à Le havre” à dettu l’addestratore aiaccini dopu à u macciu…

 

Sparte

Dipusità unu cummentariu