GFCA – Reims: 1-1 (1-0)
Stadiu Ange Casanova
1 200 spettatori circa
Marcatori: Boutrah (28’) per u GFCA; Poulon (80’) per Reims.
Avertimenti: Ahers (29’), Frindion (80’) à u GFCA; Dahou Cordero (55’), Traoré (77’) à Reims.
GFCA: Ajaccio (cap.) – Alves, Ahers, Billong, Mersan (Kabamba, 90’), Bonardi – Doukansy, Pomponi, Frindion – Boutrah, Roubaud (Falchi, 70’). Entr.: Poggi.
Reims: Sagna – Mbahulu, Mejilua, Konki, Dahou Cordero – Traoré, Camara (Donzoh, 68’), Koffi – Poulin, Anthoine (Saber, 60’), Poulon. Entr.: Anthoine.
Autore d’unu bonu primu tempu induve hà avutu l’uppurtunità di piglià u largu, u cullettivu aiaccinu hà cunceditu l’ugualizazione à dece minuti da a fine.
Hè una prima à Mezzavia chì pò lascià un sentimentu spartutu : da un latu, u GFCA hà manighjatu l’ensembe di a prima frazione, s’hè ricumpensatu cù un bellu gol è hà mustratu qualità, ma da l’altru, hà lasciatu scappà una vittoria chì paria à portata di manu.
U publicu s’hè vistu più delusu da u risultatu chè da u visu affissatu da a so squadra. Sicuramente ch’ellu ùn hè mai faciule di piglià u megliu d’una squadra riservata, ma quandu un primu tempu hè tantu bè gestitu, cù un avversariu messu in difficultà, hè dannosu di ùn sapè sfruttà tuttu què sin’à u capu.
U GFCA avia pigliatu u vantaghju dopu à un’azzione lucida : un ballò in prufundità, una rimessa astuta di Pomponi, è Boutrah hà messu in fondu à a reta (28’).
Dopu à a pausa, l’Aiaccini anu avutu duie volte a pussibilità di fà u break, ma sò mancati di sangue fretu. È quessa, contr’à una squadra di riserva chì ùn hà piantatu di pruvà, hà custatu caru.
À dece minuti da a fine, dopu à una bella apertura, u ghjovanu Poulon hà trovu a falla d’un tiru chì hà fattu sbattà u pallò nant’à u palu nanzu d’entra (80’).
Stu gol hà messu à terra un GFCA chì, malgradu l’inghjocu di Kabamba in fin di partita, ùn hà pussutu cambià u destinu.
In fine, un puntu solu, quandu a vittoria era larga à portata di manu.
