Pertutu da Calinzana luni à quattru ore di mane, l’atletu di u Sgiurà hè sbuccatu in fine di matinata in Conca cù un tempu di più di trentadui ore da sopra à quellu di François d’Haene (trentunu ore è sei minute). Xavier Thévenard ùn hà micca battutu a prova suprana ma hà fattu un tempu eccezziunale. Averà forse persu nantu à a seconda parte di u percorsu ch’ellu era in avanza sin’à Vizzavona. A prova di François d’Haene tene sempre…Thévenard si stalla quantunque à a seconda piazza
Fà u famosu GR20 da Calinzana à Conca, a Corsica da u Nordu à u Meziornu, centottanta chilometri cù un dislivellu d’ondeci milla metri, in menu di trentunu ore è sei minute, eccu a sfida nova di Xavier Thévenard. Un atletu rinumatu in u mondu di e corse di muntagna. Pertutu da Calinzana luni à quattru di mane, è sempre in avanza per rapportu à e so previsione, u specialistu di i trail hè ghjuntu in Conca in fine di matinata stu marti. Cù un tempu da sopra à a prova suprana di François d’Haene ma un percorsu quantunque eccezziunale. Aiutatu da una decina d’accumpagnatori è di vintisette atleti isulani, Thévenard avia sceltu u sei di lugliu chì e cundizione eranu e più favurevule, Hè sempre statu in avanza per vince a corsa: ottu minute in Carrozzu, un quartu d’ora da sopra à Ascu, una mez’ora in Verghju. Una avanza chè, per via forse di a stanchezza è di u calore, hè sdruta à pocu à pocu à partesi da Vizzavona. Per avè, in fine, una mez’ora di ritardu à vinti chilometri di Conca. una bella aventura umana è spurtivu per Xavier Thévenard…
