Centu atleti da sette à diciottu anni si sò ritruvati, sabbatu scorsu in Borgu per a quarta tapa di a cuppa di Corsica d’appichjata. Una bona, masimu chè quelli chì uni pochi seranu à i campiunati di Francia di lugliu…
A squadra alpina di u Cismonte è quella di i Muntagnoli di u Borgu urganizavanu, a dumenicata scorsa in issu paese vicinu à Bastia, a quarta è ultima tapa di a cuppa di Corsica. Dopu à Aiacciu, Corti è Ghisunaccia, l’appuntamentu era in u Borgu. Eranu, da i più chjucu à i « diciottu anni », una cintena sparti in tredeci categurie. Un spaziu spurtivu ma dinò di spartera è cunvivialità senza sminticà, di sicuru l’aspettu spurtivu. Cusì, i participanti avianu trè minute per « leghje », nanzu di participà, u sopercorsu. Una disciplina chì cresce à pocu à pocu in Corsica. Trè atleti isulani anu participatu à i campiunati di Francia. È Di ghjugnu è lugliu, quelli chì anu vintu a categuria ci seranu dinò. Una decina d’atleti in tuttu per ripresintà a Corsica è perchè micca vultà cù qualchì medaglia…
