Sta dumenica dopu meziornu, nant’à u terrenu di u stadiu Dumè-Luciani, à fiancu à u stadiu Michel-Moretti, l’AC Aiacciu ricevia u FC Borgo in u quadru d’una partita di R2.
Per u so ritornu à Timizzolu, l’ACA hà fattu cascà u capimachja, impunendusi 1 à 0 di punta à una squadra giovana è assai bella di Borgo. Ma al di là di u risultatu spurtivu, si pò dì ch’ella hè stata una ghjurnata chì hà vistu scrive una nova pagina di a storia bianc’rossa.
Difatti, Riad Nouri hè diventatu u ghjucadore u più capitu di l’ACA, cù oramai 287 partite sottu à i culori aiaccini. 265 partite di campiunatu, 22 partite di Coppa di Francia, 53 butti marcati, 26 passe decisive è un solu cartò rossu in dec’anni : eccu i numeri da tene à mente.
U ghjucadore hè statu onuratu sta dumenica di pettu à i so cumpagni, i sustenidori, i dirigenti, l’amichi è a so famiglia.
A storia riterà dinù chì, nanzu à stu ghjornu cusì particulare, hè ellu chì hà marcatu l’unicu buttone di a partita, offrendu cusì a vittoria à l’ACA.
