L’Aiaccini ghjocanu u so avvene in Lega dui nantu à dui macci di fronte à Le Mans stu marti è dumenica. di fronte. S’è a dinamica hè piuttostu in favore di u so avversariu, l’ora hè à l’unione per permette à a squadra rossa è turchina di mantenesi in u mond
u prufessiunale.
D’un cantu dui punti nantu à sette macci è a dicianottesima piazza di a classifica, da l’altru cinque vittorie di fila è una piazza di terzu chì li permette di pudè sempre sperà ritruvà u mondu prufessiunale, masimu dopu avè passatu qualchì annu in Regiunale. Stu macciu, in duie parte trà u GFCA è Le Mans s’assumiglia, da veru, à una trappula per i rossi è turchini chì dubbiteghjanu. Per avè mancatu a so fine di campiunatu, a squadra aiaccina hè avà custretta di ghjucà u so avvene in u mondu prufessuinale nantu à sti dui macci. N’averà e capacità fisiche è sopratuttu mintale? Saria quessu l’interrogazione maiò per l’omi di Hervé Dellamaggiore. Senza Armand, nè Ndao nè Gomis, vale à dì a maiò parte di u putenziale uffensivu, l’affare ùn si prisente micca troppu bè, masimu in un stadiu chì serà carcu carcu. Ma a sapemu ch’u ghjocu à ballò, ùn hè una scenza ghjusta. È ùn sò micca e statistiche o a situazione d’una squadra chì facenu a realità di u terrenu. S’ellu hè capace di ghjucà in modu « guerrieri », ciò chì hè u so ADN, u Gaz pò francà issu passu è di fà un resultatu nanzu di riceve à Le Mans dumenica. Tandu, l’impurtanza di u primu macciu hè maiò. Ci vulerà à mette u campiunatu daretu à ùn pensà à issi punti persi in casa soia, per esse solu cuncentratu nantu à u so ubbiettivu. Quellu di fà un resultatu. L’avvene di u GFCA passa per què.
