François Ciccolini: “S’apre una pagina nova”

0

L’addestradore novu di u GFCA era dighjà dapoi qualchì tempu, in a cità imperiale. Discrettu ma cù u sensu di a parolla ch’è noi li cunniscimu, hà accettatu, à qualchì ghjornu di a ripresa – hè privista issu luni u primu di lugliu- di parlà di a so scumessa in “rossu è turchinu”.

Perchè avè sceltu u GFCA?

E relazione cù i dirigenti sò propiu bè. Aviamu avutu l’occasione dighjà, di travaglià inseme ma s’era pussutu fà. Una settimana dopu à a a scunfitta di fronte à Le Mans, m’anu chjamatu. È aghju datu u me accunsentu per travaglià nantu à un prughjettu.

Chì prughjettu saria?

À dilla franca, aprimu una pagina nova. U GFCA parte da zeru. L’impurtante, per contu meiu, serà di fà ch’ellu ritrovi u so spiritu di nanzu. Avemu da travaglià nantu à i valori ch’anu fattu u sucessu d’issa squadra quì. Ma per avà, aspettemu. Fermanu ghjucadori di l’annu scorsu (Guidi, Campanini, Fogacci, Anziani…) avemu da circà à custruisce un gruppu in giru à elli. Ci sò dighjà cuntatti ma ùn ci hè nulla per avà.

U GFCA in Naziunale o in Lega duie?

Aspettemu luni, ci serà a ripresa in Mezavia ma, à dilla franca, ùn vi possu risponde. Per avà, avemu da appruntà a nostra stagione in Naziunale Una. Dopu, ci anu da esse l’appelli di Nancy è Sochaux. Travagliaremu secondu à e duie pussibilità. Ma per avà, semu in Naziunale. È si travaglia in issu sensu quì. Una cosa hè sicura, a preparazione serà difficiule ch’è noi t’averemu una settimana di ritardu s’è noi semu in N1 è duie s’è noi semu in L2. 

Chì hè u vostru parè nantu à u ghjocu à ballò corsu?

Cunnosce difficulta ma hà da ribumbà. L’hà sempre fattu, ùn vecu micca perchè l’affare scambiarianu oghje. Ci hè a qualità, mancanu forse e strutture ma s’avanza pian, pianinu. S’è voi guardate u GFCA, hè passatu da u mondu amatore à u mondu prufessiunale.

E pagine di Laval è u Sporting sò chjose?

Sò pertutu da Laval mentre ch’è noi eramu terzi di a classifica. Hè per colpi di ghjurnalisti c’ùn eranu micca stati unesti cùn mè. Per ciò chì tocca à u Sporting, tamantu scumpientu! Mi dumandu sempre induve sò passati i 35 milioni d’auri.

Sparte

Dipusità unu cummentariu