Accumpagantu da Jean-Paul Lazzarini è à u vulante d’una BMW M3, Marc Vallicioni hà vintu l’edizione 2023 di u rallì di Balagna a dumenicata scorsa. Jérôme Mancini (BMW M3 dinò) è Anthony Agostini (Ford Mk2) cumplettanu u trastatu…
U 26u rallì naziunale di Balagna, 12u VHC, 6u VMRS hà tenutu tutte e so prumesse da l’8 à u 10 di dicembre in issu rugjjone quì. Urganizata di l’ASA Corsica, a manifestazione adunia 27 squadre in u VHC è 12 in u VHRS in giru à l’Isula Rossa. Un percorsu di 380 chilometri in trè tape, 5 sezzione è 7 prove speciale. : Montegrosso, Galeria/Santa Maria di a Serra, Piaghja di Montemaggiore/Avapessa, Muru/Reginu. Una suddisfazzione maiò per l’urganizatori cù una participazione eccezziunale : 137 squadre muderne, 27 VHC è 12 in VHRS. À l’arrivu, ghjè Marc Valliccioni (BMWM3), dighjà vittoriosu in u 2019, 2020 è 2022 chì s’impone senza spartera durante e trè tape fora di a speciale S5 induve hà persu 1,41 m. Daretu à ellu, a battaglia fù difficiule per l’inseme di e BMW. Pierre Vivier (secondu l’annu scorsu) è Thomas Argenti sò stati custretti d’abandunà lascendu a piazza à Jérôme Mancini secondu à solu 37’’, 3 di u vincidore. Anthony Agostini colla, per contu soiu, cù a so Ford Mk2, à a terza piazza di a classifica generale. Per ciò chì tocca à u VHRS, a cumpetizione era aperta dopu à l’abandonu, à l’ultimu mumentu di Christophe Triquet (Ford Civic). Ma a logica hè stata rispettata cù a vittoria di Tony Avolio (BMW325) chì hà vintu quattru di e cinque speciale. Patrick Doddoli (BMW 320) à 46’’, 6 è Paul Casanova (Peugeot 204) à 5 mn, piglianu a seconda è terza piazza. Una certa supranità quantunque di e BMW per l’edizione 2023. L’urganizatori travaglianu dighjà à u 2024 ind’un calendariu chì serà abbastanza carcu
