François d’Haene vole pruvà torna u record di u GR20

1U traileur di u Beaufortain François D’Haene hà palesatu e prime grande linee di u so prugramma in u 2026, chì darà una piazza maiò à l’isule cù l’Ultra-terrestre in La Réunion è u GR20 in Corsica.

U prugettu maiò di l’annu per u traileur di 40 anni serà stu ritornu in Corsica. « Vinti anni dopu à a mo prima traversata in randonée è dece anni dopu à u record, a chjama di l’Isula di Bellezza era troppu forte », spiega nant’à e so rete suciale. Un ritornu in dui tempi. Prima, una ricunniscenza di u GR20 (160 km è 12 000 m D+) à principiu di ghjugnu « per impregnassi di u ritimu è di e petre in u tempu, ma in parechje tappe ». Dopu, a prova di u record à partesi da u 5 di lugliu.

Stu record cù assistenza (quellu in autonomia cumpleta essendu detenutu da Sébastien Raichon), François D’Haene l’hà persu in u 2021 à prò di Lambert Santelli (30 ore è 25 minuti), migliurendu di 41 minuti (31h06) a marca precedente. U Savoiardu hà dunque da pruvà à ripigliallu in u 2026… È perchè micca passà sottu à a barra di e 30 ore ?

È dopu ? « Faremu u puntu dopu à què, ma una cosa hè sicura : l’eccitazione hè quì », cunclude François D’Haene.