19FC Balagna (National 3) – AS Furiani (National 2) è USC Corti (Régional 1) – FC Bastelicaccia (Régional 1), eccu u risultatu di u sorteggiu di l’ultimu quatrinu di a Cuppa di Corsica.
Sempre prisenti à stu stadiu di a cumpetizione, i tripli detentori di u titulu balanini ùn averanu micca una missione faciule contr’à una squadra di Furiani, in piena forma dapoi parechje settimane in u so campiunatu di National 2.
Vincitrice una sola volta di a prova, in u 1991, l’ASFA vulerà senza dubbitu aghjustà una linea di più à u so palmarès.
Duellu di « chjuchi »
In l’altra scontru, a manu d’Antoine Emmanuelli, vicepresidentu di u FC Borgo, incaricatu di u sorteggiu, hà messu di fronte i dui club di Régional 1, sempre in corsa per u titulu.
U Corti di u presidente Colombani averà a furtuna di riceve à u stadiu Santos-Manfredi u FC Bastelicaccia. Duie squadre chì ghjocanu e prime piazze in u so campiunatu, Corti essendu u secondu daretu à a SVARR è i ghjucadori di u Prunelli u terzu di u classamentu di l’elite regiunale.
S’è Corti parte leggermente favuritu è pruverà à ghjucà una nova finale, da a so banda, i ghjucadori d’Anthony Collinet, prisenti per a prima volta in a storia di u club in semifinale, vuleranu cuntinuà à sunnià d’un primu titulu.
Issi dui scontri si ghjucheranu u week-end di u 4 è 5 d’aprile chì vene.19
