Nata u quindeci di dicembre scorsu, issa squadra di Futsal, chì addunisce monda passiunati, serà ufficializata issu sabbatu in u quartieru. Cù a prisenza di i so membri intornu à eletti o respunsevuli spurtivi d ‘Aiacciu…![0[1]](https://www.corse-sport.corsica/file/2019/01/01-1.jpg)
Lià u sportu, a cultura è u suciale, eccu u scopu di l’AS Jardins de l’Empereur, una squadra di Futsal nata u quindeci di dicembre scorsu. A l’origine, uni pochi d’amichi adduniti intornu à li stessa passione: Félix Bonardi, monda cunnisciutu, Sami Serrar Touil, Marcu Antò Costa, Djamel Bassa è tanti altri. Primu scopu, participà à u campiunatu di Futsal (R2) di settembre è, à pocu à pocu, sviluppà si. Duie leie cù l’AS Alata (ghjocu à ballò à ottu) è u GFCA atletisimu l’anu da permette di cresce è di mette in piazza, qualchì ghjustra. Ma, à longu andà, i respunsevuli volenu fà d’issa struttura, è fora di u sportu, un arnese suciale è culturale. Cù, forse, qualchì idea di sviluppu. Aspettendu, tutta a squadra serà prisentata issu sabbatu in u quartieru per ufficializà a struttura. Una meza ghjurnata induve i membri di l’associu anu invitatu eletti aiaccini, di a CdC o respunsevuli spurtivi d’Aiacciu è di u circondu. È, forse per u quartieru, l’occasione di francà un altru passu…
