Vittoria pè a squadra corsa!

0

20180609_25_3_1_0_0_obj17696477_1_xwh_642x429_xwhL’omi d’Andria Di Scala anu vintu di fronte à a Sardegna, dumenica (1-1, 4-1 à i penalti). Una vittoria ch’ùn hè solu simbulica. Mostra qualità, virtù è spiritu d’un gruppu chì, pocu impreme u tempu, face a so Strada aspettendu forse megliu. Un impegnu maiò dinò per a squadra dirigente…

U primu macciu trà a Corsica è a Sardegna hè sbuccatu nantu à una prima vittoria di i “Bianchi è Neri” dumenica in Olbia. Si puderia parlà, cù i rapporti trà e duie isule senza sminticà e famiglie sane ghjunte in Corsica dopu à a guerra di u 1939, di derby. Mintuaremu dinò tutti sti ghjucadori d’origine sarda ch’anu fattu carriera à l’ACA o u Gazelec. Una partita, a prima di a storia, dunque particulare. Hà messu in vale, e qualità d’un gruppu induve mancavanu quantunque i sei ghjucadori di u GFCA (Pierazzi, Palmieri, Anziani, Guidi, Campanini, Fogacci) è dinò Leca, purtieru di Lens. ma quelli prisenti anu fattu onore à a selezzione. Un macciu di qualità din fronte à Sardi chì ghjunghjianu di Seria B è C. Una bona per u gruppu di Ghjuvan Micheli Cavalli ancu s’è ci hè vulsutu aspettà i penalti per ottene a vittoria. Si pò ritene u macciu di Rémy Cabella,capighjucadore di Saint-Etienne, elettu ghjucadore numaru unu di a partita da u cantu di a squadra (premiu Claude Papi). Ghjè ellu chì d’altronde, à marcatu per i Corsi. U ritornu hè privistu per l’annu chì veni in Purtivechju.

Sparte

Dipusità unu cummentariu