À l’occasione di a sesta ghjurnata di Naziunale, i Bastiacci, capiclassifica, si spiazzanu sta sera in Villefranche. Torna un macciu impurtant fora di casa…
In Naziunale è per tene a strada, l’impurtante hè di 
vince ind’è voi è d’ùn perde fora. Malgratu una scunfitta in Furiani di fronte à Boulogne, ci vole à ricunnosce, ancu s’è u campiunatu hè sempre longu, chè u Sporting hè à l’appuntamentu. Cù deci punti in a stacca in cinque macci, i Turchini principanu bè a staghjone. Ma ogni partita t’hà a so verità. Capiclassifica, si spiazzanu sta sera in Villefranche, ottesimu di a classifica ma cù un macciu di più à ghjucà. Una squadra da piglià à u seriu chì stà nantu à una scunfitta di fronte à Quevilly a settimana scorsa è chì vulerà, di sicuru, reasgisce. Una prova in più per u Sporting chì, per contu soiu, si sbroglia abbasantanza bè fora di casa. L’occasione di dà una cunferma è di mustrà ch’ellu ci vulerà à cuntà cun elluquist’annu. À tempu, ci hè una sfida à distanza chì si ghjoca cù Laval, chì sparte a prima piazza di a classifica.
