U Sporting hà principiatu a partita in manera calamitosu, tuccatu duie volte in i primi dodici minuti, prima da un gol di Nlandu, chì hà ingannatu Placide, mascheratu, dopu à una perdita di palla culpèvule di Guidi. Pochi minuti dopu, in una difesa sempre in affannu, Hatchi hà raddoppiatu a marca.
À l’iniziu, assai cunfusi, i Bastiais anu passatu una prima meza’ora dulurusa, nanzu di ripiglià pianu pianu fiatu à a fine di u primu tempu, cù in particulare un tiru di Boutrah nant’à u palu à a 40esima minuta.
À u ritornu da i spogliatoi, era sempre Guingamp à affundà u chiodu grazia à un contrattaccu chì hà messu à terra una difesa bastiacca troppu debule, cuncretizatu da un palu rientrante di Mafouta à a 55esima minuta.
Ottu minuti dopu, Boutrah hà riduttu u scòre cun una bella sciaccata sottu à a traversa, ma stu sursautu d’orgogliu ùn hà firmatu chè un focu di paglia, tantu u Sporting era incapace di purtà u minimu perìculu.
Ormai releghevule, u Sporting si paga u tristu lussu d’esse dighjà in crisa sportiva nanzu à a prima trêva internaziunale.
