L’atletu aiaccinu hà pigliatu a so rivincita di l’annu scorsu induve avia abandunatu à a terza parte di a finale, in a ghjustra di l’ASPTT. Dumenica, s’hè impostu di manera logica di fronte à Adam Panaras dopu à un maccione.
Servizii putenti, ritorni à una vitezza tamanta, scambii ch’anu duratu, passing, Pierre-Antoine Tailleu, l’Aiaccinu di 20 anni hè statu à l’appuntamentu à l’occasione di a finale di a ghjustra di l’ASPTT dumenica scorsa. Una vittoria logica dopu à più d’una ora è mezu di partita. Di fattu, in a prima parte, l’Aiaccinu hà pigliatu u serviziu di u so avversariu à 4-3 è hà pussutu compie dopu nantu à a so messa in ghjocu (6-3). « U so serviziu era putente, spiega l’Aiaccinu, aghju pussutu mantene un ritimu è un nivellu assai altu… »
À l’occasione di a seconda parte, l’atletu ghjuntu da Cannes, hà cercatu à piglià a suprana, masimu nantu à u so serviziu. Tandu, Pierre-Antoine Tailleu s’hè messu à u nivellu è malgratu qualcì difficultà, hà pussutu piglià un’avanza decisiva à 3-3. Cù duie balle di macciu salvate da Adam Panaras à 5-3 è 15-40 nantu à so serviziu. L’Aiaccinu, chì era in casa soia, à mezu à un publicu numerosu (centu persone), ùn hà micca dubbitatu è hà compiu dopu nantu à u so serviziu (6-4). « Una bella vittoria, aghjusta u ghjuvanottu, forse una di più più belle di l’annata. Hè a prima volta ch’eu sò capace di serve cusì, masimu chè u me avversariu avia un nivellu assai altu. » U
Una vittoria ind’una manifestazione chì cuntava per u percorsu di e ghjustre maiò è chì l’hà da forse permette d’apre d’altre porte. « Per avà, pigliu i macci unu apressu à l’altru. Ùn sò micca statu furtunatu iss’ultimi tempi. Issu successu mi face prò. «
Finaliste l’annu scorsu in Baleone, Pierre-Antoine avia abandunatu a terza parte di a finale, feritu à una ghjamba. Qualchì tempu nanzu, avia persu in finale di u doppiu à a ghjustra interziunale d’Aiacciu. Una ghustra induve avia persu, questu annu à u primu ghjiru di fronte à u numeru unu. Una bella rivincita…
