Dopu à a so vittoria di fronte à Saint-R
aphaël sabbatu scorsu à u Rossini (27-20), u GFCA hè, torna una volta in capu di a classifica di N2. Senza alcuna scunfitta dapoi a ripresa di ghjennaghju (sei vittorie di fila) è un gruppu chì cresce u so nivellu, a squadra di u presidente Ripoll risponde à e so ambizione. ma u caminu sin’ à a Naziunale una, ùn hè ancu fattu…
Aldilà di a so vittoria, sabbatu di fronte à Saint-Raphaël, u GFCA, chì ripiglia u capu di a classifica, un puntu davanti à Antibes-chì hà persu in casa soia di fronte à Nizza (28-29)- marca d’altri punti: Senza scunfitta in u 2019-sei vittorie di fila-, un ghjucadore cum’è Miguel Branca Freitas ghjuntu à u Mercatu di ghjennaghju, (sei punti u macciu) è, di sicuru, a « zampa » di Yan Basny chì face un travaglione, permette à u gruppu d’esse di più in più ambiziosu. « Attenti, privene Jean-Luc Pietri, vice presidente di a squadra, in issu campiunatu quì, tuttu u mondu pò batte à tuttu u mondu. L’avemu vistu sabbatu cù a vittoria di Nizza in Antibes. Semu abbastanza bè ma fermanu quantunque ottu partite nanzu à a fine. Ci tocca à esse regulari è mantene a pressione nantu à l’atri. «
Sabbatu, u GFCA si spiazza in Monaco nanzu di riceve à Nizza. U macciu u più impurtante chì pudaria, forse assicurà a so piazza in N1 a stagione chì vene, serà l’ondeci di maghju di fronte à Antibes. « Speremu d’avè francatu u passu nanzu, aghjusta u vice presidente, oramai, semu maetri di u nostru destinu. »
Serà quessu u più impurtante!
