Dopu à un maccione, sabbatu scorsu di fronte à Antibes, u GFCA hà vintu u so bigliettu per a Naziunale una. A fine d’un percorsu principiatu di settembre, a riesciuta d’un gruppu è, di sicuru, u primu passu di a squadra dirigente nova di francatu.
Hè fatta! è ben fatta! l’omi di Yann Basny ùn anu micca vulsutu mancà u so appuntamentu cù a storia, sabbatu scorsu à u Rossini, di fronte à Antibes. In casu vittoria, l’accessione in Naziunale una era assicurata. È a squadra “rossa è turchina” ùn hà micca mancatu di festighjà la cù i so sustenidori. U resultatu, ma dinò u cuntinutu è a volglia, tuttu era prisente in stu macciu. Rivincita dopu à un primu macciu vintu nantu à u terrenu è persu à u nivellu amministrativu, pocu è micca, solu, a vulintà di finisce bè u travagliu. In fine, una bella vittoria (38-28) è una bella festa, à dui macci di u termine di a stagione. Aldilà di l’accessione in Naziunale 1, issu percorsu valuteghja l’impegnu maiò è u travagliu di a squadra dirigente nova dapoi ch’ella hà ripigliatu u GFCA. Tandu, a dillusia d’avè mancatu di qualchì seconda, a N1 dui anni fà hè daretu. Fermanu dui macci nanzu à a fine di u campiunatu. In Villeneuve è per compie ind’una ambianza di festa, di fronte à Saint-Etienne, u primu di ghjugnu à u Palatinu. Dopu, i “rossi è turchini” puderanu parte in vacanze nanzu vultà cù ambizione nove…
