U ghjovanu purtieru di l’ACA rimpiazzerà à Benjamin Leroy, sabbatu in Grenoble. Di fattu, u titulariu hè statu ricunnisciutu pusitivu à u Siscu in a settimana. Deve stà solu durante una sette ghjornu secondu à u protocolu. Di colpu, u scontru di
fronte à Grenoble serà u primu in a cabbia di l’ACA per Sollacaro…
U destinu pichja à a vostra porta quand’ùn l’aspettate micca. Purtieru rimpiazzante di l’ACA dapoi trè anni, François Joseph Sollacaro, chì porta a maglietta “bianca è rossa” dapoi a so zitellina, ferà i so primi passi in Lega duie, stu sabbatu in Grenoble. Sin’à d’avale, avia ghjucatu trè partite di cuppa di Francia cù a squadra una. Di regula, è dopu à a so furmazione induve hà francatu tutte e tape da i menu di diciassette anni à i menu di dicenove anni, hè u purtieru titulariu di a squadra riserva. S’ellu hè sempre nantu à u bancu in Lega duie, ùn hà mai ghjucatu à issu nivellu quì. Ricunnisciutu pusitivu à u Coronavirus (i ghjucadori facenu sempre esamine, face parte di u protocolu), Benjamin Leroy (l’hà precisatu da per ellu nantu à e rete suciale), deve stà solu durante una settimana. Serà, forse quì di fronte à Sochaux a settimana chì vene. Di colpu, ghjè Sollacaro chì serà in a cabbia in Grenoble. “Ùn mi mettu micca pressione, aghju da ghjucà cum’è a facciu dapoi sempre è spergu chì l’affare si passerà bè.” Un primu passu à stu nivellu per l’Aiaccinu. Sperendu chè ci ne serà d’altri…
