Sainati è Marchetti di ritornu à l’ACA!

0

I dui anziani ghjucadori di l’ACA anu zifratu eri cù a squadra bianca è rossa. À qualchì ghjornu di a fine di u Mercatu, u gruppu 2020-2021 serà cumplettu cm quattru anziani ch’anu da purtà a so sperienza è a e so qualità…

Dopu à Courtet è Nouri, l’ACA hè arricchitu dapoi dui ghjorni di dui altri anziani ghjucadori, frà i più famosi di iss’ultimi anni. Joris Sainati, defensore centrale, avia dighjà purtatu a maglietta bianca è rossa da u 2015 à u 2018 (81 macci è 3 realisazione). L’ultimu fù quellu di fronte à Le Havre di maghju u 2018. Ghjucadore di stintu, era pertutu, dillusu, in Lorient, induve avia ghjucatu dui anni (2007-2009). Vincent Marchetti, ellu, hè ancu più cunnisciutu in Aiacciu. À l’età di vintitrè anni, issu ghjovanu mezuterrenu hà fattu a so furmazione à u GFCA (2003-2010) è…l’ACA (2010-2015). Dopu à una staghjone in Lega dui cù i bianchi è rossi (33 macci, 3 realisazione), hè vindutu à Nancy ciò chì permette à a squadra aiaccina d’assicurà u so avvene à cortu andà (l’ACA era minacciatu di falà in Naziunale da a DNCG). In Nancy, Vincent Marchetti, ghjoca quattru anni (63 macci, 3 realisazione) è face a so strada nanzu di cunnosce una ferita maiò (rumpitura di i ligami di u ghjinochju). Ripiglerà pianamentu è bè ma, sta volta, di marzu scorsu, ghjè a crisa sanitaria è l’arrestu di e cumpetizione chì l’impediscenu d’andà più luntanu. Volta ind’è ellu, in Aiacciu è s’intrena cù a riserva di l’ACA. A vendita di i fratelli Tramoni è u resultatu d’Auxerre (scunfitta tamanta 5-1) sabbatu scorsu anu cunstretu i dirigenti à fà sforzi per arricchisce u gruppu. L’ACA t’hà, avale, una squadra capace à reasgise di fronte à l’avversità di iss’ultimi macci. I dui ghjucadori, omancu Joris Sainati, pudarianu esse prontu per a ghjunta di Tulusa u 17 d’ottobre..

Sparte

Dipusità unu cummentariu