A partenza di Claude Puel hè stata ufficializata qualchì ora nanzu in a ghjurnata, segnu di l’arrivu imminente d’Olivier Pantaloni nant’à u bancu di l’OGC Nizza. I « Aiglons » anu appena cunfirmatu l’infurmazione. U tecnicu corsu di 60 anni s’hè impegnatu per e duie prossime stagioni.
Forte di a so sperienza à l’AC Aiacciu è, più di pocu tempu fà, à Lorient, induve hà riesciutu à vince u campiunatu di Ligue 2 prima di mantene cun una certa serenità u club bretone in Ligue 1, Pantaloni ritrova una cità ch’ellu cunnosce bè.
L’anzianu mezu di campu hà infatti purtatu i culori di u Gym trà u 1985 è u 1988. Hè statu preferitu à altri prufili cum’è Liam Rosenior, Christophe Pélissier o ancu Sébastien Pocognoli.
U novu allenatore ùn averà però una missione faciule. U Gym esce da una stagione difficiule, marcata da tensioni trà i ghjucadori è i sustenidori, è da una salvezza ottenuta à l’ultimu mumentu dopu à una doppia cunfruntazione di spareghju contr’à l’AS Saint-Étienne. L’azzziunariu INEOS pare dinù assai discretu in a gestione cutidiana di u club.
