Naziunale: Un Sporting ambiziosu

0

Dopu à quattru mesi d’arrestu, i ghjucadori di u Sporting anu ripigliatu u caminu di l’Igesa, eri, à l’occasione di a ripresa. Un gruppu guasgi compiu per a staghjone chì vene. Eranu vintunu cù, frà elli, i nuvelli, à participà à a prima seanza d’addestramentu…

I ghjucadori di u Sporting aduniti tutti inseme, facia un pezzu ch’ùn s’era micca vistu. Di fattu, è dapoi  a vittoria di fronte à Belfort u 22 di ferraghju, a prima piazza di a classifica è un’altra u sette di marzu in Drancy, i Bastiacci eranu in vacanze chè s’ellu ci hè statu un imbrogliu tamantu in L2 è L1:, l’affare hè stata accurtata è assicurata in N2 per i Turchini, campioni, pocu impreme ciò ch’ellu pensava Sedan. Cusì, a ripresa s’hè fatta eri à l’Igesa cù vintunu ghjucadori. Frà elli, i nuvelli (Dumè Guidi, Benjamin Santelli, aspettendu un terzu). Un gruppu arradicatu à quellu di annu (fora di Etshimi, Piercececchi è Vittori pertuti è di l’arrivu di i dui nuvelli, serà u listessu). Dopu à una perioda di preparazione, sin’à a fine di lugliu, ci seranu cinque macci amichevuli di fronte à Corti (u 28 di lugliu), Montpellier (u primu d’aostu), Furiani (u 5), u GFCA (l’8) è per compie l’ACA (u 14 in Timizolu).  A ripresa di u campiunatu hè privista per u 21, un ghjornu nanzu à a L1 è L2. Un Sporting ambiziosu chì pudaria s’ellu hè capace à cuntinuà nantu à u filu ch’è noi li cunniscemu dapoi trè anni, invità si in a corsa à a Lega 2 ancu s’è issu scopu quì ùn hè a priurità di a squadra dirigente. Ma quantunque, cù trè cullate (un play-off) è malgratu un nivellu più altu ch’in N3 è N2, si pudaria pensà u SCB capace torna una volta à fà parlà d’ellu…In u sensu bonu…

Sparte

Dipusità unu cummentariu