Mathieu Chabert: “Un gruppu ambiziosu”

0

Mentre chì u a squadra bastiaccia cuntinueghja à custruiscesi à pocu à pocu per ghjucà in naziunale d’aostu, l’addestradore turchinu face u puntu nantu à a situazione spurtiva è aldilà…

À chì ne semu di u mercatu?

Avemu dighjà pigliatu à Dumè Guidi (GFCA) è Benjamin Santelli (Chambly). Aspettemu, avà, unu u dui “colpi” interessanti per arricchisce u gruppu. U scopu ùn hè d’avè ghjucadori per avè ghjucadori. Per avà, sò cuntentu di l’effettivu ch’eu t’aghju. Ci sò i dui ghjucadori ch’eu vuliu, hè una bona. Si pò dì guasgi, chè u mercatu hè compiu.

Chè ambizione per u Sporting questu annu?

Finisce u più altu, dà u piacè à i nostri sustenidori. Ci toccherà à assicurà u mantenimentu u più  prestu pussibile chè u campiunatu hè assai duru. U cunnoscu abbastanza bè. U scopu serà di ghjunghje prestu à i 40 punti. Spergu dinò di fà un percorsu in cuppa di Francia. In fine, s’è noi pudiamu accoglie u nostru publicu, saria una bona. U gruppu hè ambiziosu…

U SCB hè passatu senza prublemi davanti à a DNCG. Una bona dinò?

Quand’è voi t’avete una gestione bona, pudete andà sereni. Semu stati criticati da Sedan, ma oghje, l’accessione è u bugettu sò valutati,  hè a meglia di e risposte. Masimu chè Sedan hè custrettu di passà un altra volta.

 

Sparte

Dipusità unu cummentariu