Squadra di Francia : Lisandru Tramoni marca u so tarritoriu

0

thumb_263914_cms_new_large_articleÀ sedeci anni, l’attaccante di l’ACA, dighjà prumessu à una bella strada spurtiva, s’hè fattu rimarcà issa dumenicata cù a squadra di Francia di i menu di diciassetti anni contru à u Brasiliu (3-1). Hà marcatu una volta è datu una passa decisiva. L’occasione, di fà si valè à u nivellu u più altu…

Lisandru hè u più chjucu di i dui fratelli Tramoni. Ma u so talente, chì cumencia à esse ricunnisciutu, si face valè ogni dumenica nantu à i terreni di Corsica è d’altrò. Cusì, u so percorsu (avia marcatu è datu a vittoria à i Bianchi è Rossi in Monacu cù i menu di diciassetti anni) l ‘hà permessu d’esse chjamatu da José Alcocer, anziani ghjucadore di u Gazelec, oghje addestradore di a squadra di Francia U16 è U17 per participà à una ghjustra impurtante, a ghjustra di sviluppu UEFA, una spezia di spechju induve i ghjucadori anu l’occasione di mustrà u so talente. In Saint Georges Parks (Ingliterra), i “Turchini’ anu principiatu a cumpetizione (da u 17 à u 21 di ferraghju) cù una bella vittoria di fronte à u Brasiliu. Quì, Lisandru Tramoni s’hè fattu, subbitu, rimarcà. Ghjè ellu chì hà apertu a marca (4ta minuta) è datu a terza realisazione in principiu di secondu tempu à Yanis Lhéry (Saint-Etienne). Una prima partita induve l’attaccante di l’ACA hà pussutu fà valè e so qualità. Prussimu appuntamentu, issu marti, di fronte à l’Ingliterra per a finale di u gruppu…

Sparte

Dipusità unu cummentariu