U cutidianu regiunale Corse Matin hà mintuvatu e piste attualmente studiate per piglià a successione di Réginald Ray nant’à a panca di u SC Bastia, relegatu in Ligue 3.
U primu nome cunnosce bè u campiunatu, postu ch’ellu si tratta di Régis Brouard, l’attuale allenatore di FC Rouen. Mentre a so squadra pò sempre sperà una cullata in Ligue 2, u tecnicu cunnosce dinù assai bè u club isulanu, induve hà digià allenatu. Si pò quantunque imaginà chì sta pista dipenda da l’avvene di i Diables Rouges, ancu s’è Brouard averà campatu una stagione particularmente difficiule in Nurmandia.
Laurent Peyrelade (Agde), Omar Daf, Oswald Tanchot è Olivier Echouafni sò l’altri nomi citati da u cutidianu regiunale.
Si tratta d’allenatori liberi (o facilmente liberabili) chì cunnoscenu bè u campiunatu National è/o a Ligue 2, è chì pudarianu purtà a so sperienza à u Sporting per pruvà à rilanciallu dopu à a relegazione.
