Laurent Peyrelade s’appronta à fà un bellu saltu, passendu da u Naziunale 3 à a Liga 3. Hè statu numinatu à a testa di u SC Bastia sabbatu scorsu.
U Sporting Club di Bastia hà ufficializatu stu sabbatu a nomina di un novu allenatore. Si tratta di Laurent Peyrelade. L’anzianu tecnicu di Rodez hà firmatu per duie stagioni, cù una terza in opzione.
Era un secretu di Pulcinella dapoi a partenza di Réginald Ray u maghju scorsu, hè oramai ufficiale : Laurent Peyrelade hè u novu allenatore di u Sporting Club di Bastia. U so scopu serà di fà turnà u club da a Liga 3 à a Liga 2.
