Paria impussibule pè u SC Bastia di ùn vende unu di i so ghjucatori i più boni per pudè assicurà senza difficultà i so impegni davanti à a DNCG. Avà, quessa duverebbe esse cosa fatta prestu.
In fatti, dopu solu una stagione cù a maglia turchina, Lamine Cissé s’appresta à lascià u Sporting. L’attaccante, autore di nove reti è duie passe decisive a stagione passata, duverebbe firmà quì à u principiu di a settimana chì vene cù Stoke City, squadra inglese di Championship.
Stu trasferimentu duverebbe chjode si nant’à circa trè milioni d’euri.
