L’ACA à l’ora di a ripresa

0

M. Tramoni

U gruppu aiaccinu hà ripigliatu, mercuri scorsu, u caminu di Timizolu à l’occasione d’una ripresa particulare postu ch’ella accade trè mesi dopu à l’arrestu di e cumpetizione u 15 di marzu. Una ripresa chì s’hè fatta ingiru à e regule sanitarie. 

Trè mesi è mezu dopu à l’arrestu di e cumpetizione, un tempu abbastanza longu per un ghjucadore di ballò, l’Aceisti anu ripigliani u caminu di l’addestramentu stu mercuri matina. Eranu vintidui trà l’anziani, quelli di a staghjone scorsa (Kalulu, Leroy, Pellegrini, Coutadeur, El Idrissy, Laci, Matteu è Lisandru Tramoni, Sollacaro, Diallo, Youssouf, Avinel, Huard, Corinus), i nuvelli (Barreto, N’Dyaye) è i ghjovani ch’anu zifratu (Njiké, Cimignani, Dedola). Una ripresa particulare à mezu à un protucollu sanitariu impurtante (liquidu idrualcolicu, maschere, testi, presa di sangue…). Dopu à un percorsu  maiò à u nivellu medicale, (trè ghjorni sani, u tempu di fà passà tuttu u mondu, ancu a squadra tecnica), ghjungherà u tempu di a preparazione, più longa chè d’abitudine. Cù un prugrama chèi s’hà da sparghje in parechje tape; una spassighjata nantu à u GR20, una settimana d’addestramentu, ottu ghjorni di staziu, quattru macci amichevuli, u tuttu nanzu à ripresa di a Lega dui, u vintidui d’aostu…

Sparte

Dipusità unu cummentariu