E duie squadre aiaccine sò state cacciate da u cuppa di Francia, sabbatu scorsu. L’ACA, chì entria à l’occasione di u settesimu giru, hà persu in Saint-Flour (N3, 3-1). À listessu tempu, u Gazelec hè surtitu in Belfort (N2, 1-0). Ancu assai chè Bastia Borgu hà salvatu in mobuli cù a so vittoria in Noeux-les-MInes (R2, 2-0).
Ancu s’ell’ùn hà più l’impurtanza di tanti a
nni fà di colpu à interessi suldarini chì piglianu a suprana, a cuppa di Francia permette sempre à l’amatori di fà si valè. È questu annu, tamanta piulata! Ottu squadre di Lega duie sò state cacciate, cinque in Naziunale una. Peccatu chì, frà elle ritruvemu à l’ACA è u GFCA. Per i bianchi i rossi, terzi di a classifica di Lega duie, l’affare ùn paria troppu difficiule in Saint-Flour ancu s’è Olivier Pantaloni avia sceltu di fà girà u so gruppu. Di fattu, l’Aiaccini anu persu 3-1 ind’una squadra di N3 è si ne voltanu in casa soia a coda trà e ghjambe. Più difficiule, forse per u Gazelec in Belfort (N2) ma, à a fine, listessu affare: una scunfitta (1-0) ancu s’è i diavuli rossi anu ghjucatu guasgi tuttu u tempu à deci cù una cartulina rossa dura à accettà. È in casa dinò. Di colpu, ghjè solu Bastia Borgu, vittoriosu in Noeux-les-Mines (R1, 2-0), chì porterà a bandera à l’ottesimu giru…Peccata ch’è noi aspettavamu megliu di e nostre squadre aiaccine. ACA è GFCA devenu, avà, cù scopi sfarenti, cuncentrà si nantu à u campiunatu. U percorsu cuntinueghja per l’omi di Jean-André Ottaviani…
