Claude Ferrandi era l’invitatu mercuri di l’emissione Foot è basta nant’à Via Stella. L’indumane di a scunfitta contr’à Rodez (2-3) à Furiani, è cù una situazione sportiva assai cumplicata, u presidente bastiacciu parla di u desideriu di vede vultà à u club Wahbi Khazri. Furmatu à u SC Bastia, induve hà ghjucatu da u 2009 à u 2014 (188 partite, 36 reti), Wahbi Khazri hè oghje senza club dapoi a so partenza da Montpellier. S’era ancu amparatu qualchì tempu st’estate cù u Sporting.
« Facenu quattru anni chì parlemu cù Wahbi, aghju sempre sognatu di falla vultà à u Sporting. Wahbi m’avia dettu chì forse un ghjornu si faria. S’hè amparatu cun noi, è ùn era mai statu nanzu un sughjettu seriu trà l’allenatore è Wahbi. Ma pò diventallu. È torna una volta, ùn hè micca perchè in u prughjettu glubale è à longu andà di u club, vulemu dà valore à l’attivi, chì ùn pudemu micca fà qualchì aghjustamentu.
Ci ne rendimu contu bè, è stemu à rettificà qualchì cosa in raportu à l’evenimenti chì patimu. S’ella hè a suluzione di fà vene un zitellu cum’è Wahbi Khazri, è s’ellu accetta di vene cun noi… »
