Benjamin Santelli volta in casa

0

Dopu à una stagione in Chambly (Lega 2) è un percorsu marcatu da una ferita maiò, l’anzianu attaccante di u Sporting volta ind’è ellu. Hè u secondu ghjucadore bastiacci cù u difensore di u GFCA, Dumè Guidi…

Si sà chè dapoi parechji anni, u Sporting vole dà una culurazione nustrale à u so gruppu. Cullata in Naziunale questu anni, cuntinueghja à fà a so strada, sempre intornu à a so pulitica. Cusì, è dopu à un bellu percorsu in Lega 2 cù u GFCA, Dumè Guidi, hè vultatu in casa soia, à u Sporting indve avia fattu a so furmazione. Hè accumpagnatu dapoi dui ghjorni, d’una altra zifra, più cunnisciutu quessa quì, quella di Banjamin Santelli. Anzianu attaccante di u Sporting in NIII, era statu rimarcatu da Chambly l’annu scorsu è avia tandu, pussutu cunnosce a Lega 2 è u mondu prufessiunale. Tuttu si passava bè per l’attaccante (12 macci, 2 réalisazione, 4 passe decisive…) sin’à u 19 di nuvembre in Beauvias è una ferita maiò (rumpitura di i ligamenti di u ghjinoghju) è una stagione chì s’hè compia. Sette mesi dopu, ritrova, à ppcu à pocu, u so nivellu fisicu. À 28 anni, hà vulsutu vultà in casa soia è cuntattatu u Sporting. Benjamin Santelli hà zifratu per dui anni cù un’uzione supplementaria d’un annu. U Sporting spera, avà, di fà zifrà u mezu terrenu di Laval, Anthony Robic.

Sparte

Dipusità unu cummentariu