L’atletu isulani parterà da Bastelica un 27 d’aprile per fà un giru di u Prunelli. Una corsa di cinquanta chilometri à prò cum’è tutti l’anni dapoi u 2021, di u so associu « L’attrape-rêves »
-Perchè issu giru di u Prunelli?
Hè una manifestazioni chì si scriva in u quadru di u me associu « L’attrape-rêve ». Ne facciu a prumuzioni tutti l’anni dipoi u 2020. Femi, ogni volta, cinquanta chilometri. Aghju cumminciatu cù i me loca in u 2021 (A Taravesa). Eppo, avemi cuntinuatu, l’Urnanu è u Sartinesu (in umaggiu à Cristofanu Ettori, chì era spartitu), è l’Alta Rocca, l’annu scorsu. Sta volta, ci attacchemi à u Prunelli.
Comu s’hà passà a manifestazione?
Si parterà da Bastelica à 10.00 di mani per ghjunghja in Eccica è Suaredda versu cinqui ori dopu meziornu dopu un parcorsu in Todda, Ocana è Bastilicaccia.
Avete da esse solu à corre?
Innò! Ognunu pò vena à corra o essa à bissicletta à cantu à mè. Ùn ci sarà nè cronometru, nè classifica generali. Ognunu pò fà unu, dui, deci o cinquanta chilometri. U scopu hè di sparta un mumentu tutti insemi. Ci sarà a securità duranti tuttu u parcorsu è un beddu spuntinu à a fini in Suaredda. Un ringraziu maiò à a municipalità è l’associu « A Suareddesa ».
L’avvene?
Spergu di pudè fà u listessu prughjettu in tutti i rughjoni di Corsica