Football : Aiacciu in periculu

0

E duie squadre aiaccine ghjocanu u so avvene in Lega duie issu vennari à l’occasione di l’ultima ghjurnata di u campiunatu. Tramindui in spiazzamentu. U GFCA, diciassettesimu à u Paris FC è l’ACA (sedicesimu) in Troyes. Periculu maiò per e duie squadre chì sò quantunque maestre di u so destinu.

Per ùn avè vintu a settimana scorsa di fronte à Lens (per l’ACA) è Châteauroux (u GFCA), ciò chì l’assicurava a so piazza in Lega duie per l’annu chì vene, e aca-gfca-039duie squadre aiaccine si sò messe a pressione. Duie scunfitte in casa soia (2-0 per l’ACA di fronte à Lens è 2-1 per Châteauroux di fronte à Châteauroux) chì e mettenu tramindui in periculu à l’occasione di l’ultima ghjurnata S’è ACA è GFCA stanu maestre di u destinu (una vittoria assicureghja a so piazza), a situazione pare quantunque cumplicata. Di fattu, sò quattru à battesi per salvà a so piazza: Auxerre (40 punti, -2), ACA (39, -16), GFCA (39, -23) è Sochaux (38, -18). Una di ste squadre ghjocherà marti è vennari u so avvene di fronte à u terzu di u Naziunale unu (Le Mans o Laval). Ma Auxerre è Sochaux ricevenu à Valenciennes è Grenoble, ch’ùn ghjocanu più nulla mentre chè l’ACA è u GFCA si spiazzanu in Troyes (terzu) è u Paris FC (quartu). Certu, a squadra di Troyes hè assicurata di a so terza piazza ma u PFC hè minacciatu da Lens è Lorient à dui punti daretu. Tandu, l’affare pudaria esse difficiule per una o l’altra di e squadre aiaccine. U solu fattu pusitivu saria chè ACA è GFCA mittarianu tuttu u mondu d’accordu in casu di vittoria ma ci pudemu dumandà quantunque s’elli ne sò capace, masimu u Gaz chì scontra un PFC in corsa per a Lega Una. Tandu si pudaria sperà un “aiutu” di Sochaux induve a situazione ùn hè strasordinaria cù una scunfitta duie settimane fà di fronte à u Red Star. In tutti i casi, i dui riprisententi aiaiccinu sò, più chè mai, minacciati. Seranu capaci, cum’ell’anu dighjà fattu, di riesce iss’ultima sfida di a stagione? Risposta issu vennari versu ondeci ore di sera…

Sparte

Dipusità unu cummentariu