Aiacciu chì vince è Aiacciu chì perde!

0

Aiacciu chì ride è Aiacciu chì pienghje. Eccu cumu pudariamu fà u riassuntu di e partite d’issa dumenicata per e nostre squadre. Per a terza volta dapoi l’apertura di u campiunatu, l’ACA è u GFCA ricivaianu in casa soia. In Timizolu, i bianchì è rossi anu pigliatu a suprana nantu à Béziers (2-1). Mentre chì appenu più luntanu, u GFCA pigliava una piulata di quelle di fronte à Auxerre (0-4).

aca-gfca-039Aiacciu capitale di a Lega duie, quessu valia bè un riportu nantu à Canal Plus sta sera (à mezu tempu di Red-Star-Lens). Ma aldilà di mustrà chè a Cità Imperiale hè a prima in Francia à cuntà duie squadre prufessiunale (ci hè dinò Parrighji), ci hè statu duie partite in Timizolu è Mezavia. È quì, i scenarii ùn sò micca stati li stessi. In Coty, hè stata appena duru per l’ACA di vince di fronte à Béziers (2-1). Masimu chè l’Aiaccini anu ghjucatu guasgi ottanta minute à ondeci contru à deci dopu à a cartulina rossa pigliata da u purtieru avversu. Ma issa squadra t’hà un certu estru è valori chì l’anu permessu di vince cù duie belle realisazione di Coutadeur, mentre chè, frà tempu, Denkey avia rimessu a parità. In fine, trè punti è sopratuttu très vittorie di fila per l’Aiaccini chì collanu à a tredicesima piazza di a classifica. Scenariu cuntrariu in Mezavia induve u GFCA s’hè pigliatu una piulata di quelle di fronte à Auxerre (0-4). Un cuntinutu chì ci face a paura è un macciu induve ùn s’hè mai vistu un sintimu di rivolta da a parte di a squadra aiaccina, debule di u capu à a fine di a partita. In facciu, hè vera chè ci era a squadra in forma di mumentu ma què ùn pò solu spiega u macciu ghjucatu da l’Aiaccini. U GFCA ùn hà, oghje, chè quattru punti d’avanza nantu à Béziers, diciottesimu di a classifica. Què nanzu à dui spiazzamenti di fila in Lorient è Grenoble…

Sparte

Dipusità unu cummentariu