ACA: a fine di a sperenza

0

Ancu s’ellu ci era pocu à sperà cù u so passaghju, eri davanti à u Cunsigliu di Statu, i dirigenti di l’ACA è tutti i sustenitori eranu appiccicati à u pocu chì fermava. A sintenza hè cascata in fine di dopu meziornu. U Cunsigliu di Statu hà seguitatu a decisione  di CNOSF. A dumanda di l’ACA ùn hè stata presa in contu. L’Aiaccini stanu ufficialmente in Lega Dui…

Ghjè a fine d’una lotta amministrativa chì dura dapoi l’arrestu di e cumpetizione di marzu scorsu. I dirigenti di l’ACA si sò battuti durante più di trè mesi di fronte à a LFP per fà valè i so diritti di ghjucà a so scianza spurtiva per cullà in Lega Una. Dopu à a decisione di i patroni di u ghjocu à ballò francese, l’Aiaccini anu cuntinuatu à battesi chjamendu, in tantu chè arbitru, u CNOSF. Cù un resultatu negativu. Ùn fermava tandu, chè u Cunsigliu di Statu per scambià di direzzione è retablisce una certa logica. Ma s’è a logica serve à certi, ùn vale per d’altri. L’ACA dumandava à u Cunsigliu di Statu, d’ùn valutà a decisione di u 30 d’aprile scorsu chì mintuava ch’ùn ci pudia esse “play-off”. A sintenza hè cascata eri in fine di dopu meziornu. L’urganisimu s’hè arrimbatu, per ghjustificà a so decisione, nantu à a “scelta di l’arrestu di e cumpetizione à a 28a ghjurnata, senza dubbiti per rispettà a murale spurtiva”. Una decisione (quella di a LFP) chì, secondu à ellu, paria logica. L’ACA riparte dunque, di manera officlale in Lega dui. Ma quessa a sappiamu dighjà. Avemu avutu solu una cunferma….Quantunque, issa passata ci face pinsà à u pruverbiu francese: “Selon que vous soyez puissants ou misérables…”

Sparte

Dipusità unu cummentariu