A seconda edizione di l’Internaziunali di Corsica si tene sin’à dumenica in Lucciana. Stu vennari l’11 di lugliu, una tavula rotonda nant’à u sportu è l’handicap è una iniziativa à u tennis in caregone eranu pruposte nant’à u locu di u turneu, nanzu à i quarti di finale. Un modu per sensibilizà a pupulazione isulana à sta pratica sportiva.
S’è no semu sempre luntanu da u numeru di praticanti di ballò, regina di e discipline sportive in Corsica, u tennis hà i so appassiunati. Cù guasgi 6.000 licinziati – un numeru in crescita di 12,8 % in un annu, vale à dì a più forte prugressione naziunale, s’allegrava in marzu a Liga Corsa di Tennis –, u sportu di racchetta cuntinueghja à affascinà da i più chjuchi à i più maiò.
Una passione chì si campa à u ritimu di i turnei urganizati ogni annu nant’à l’isula… È chì vole cuntinuà à sviluppassi, mettendu l’accentu nant’à a pratica di u tennis in caregone, in particulare. In occasione di i quarti di finale di l’Internaziunali di Corsica 2025, in Lucciana, stu mercuri l’11 di lugliu, una dimustrazione di sta disciplina hè stata pruposta nant’à u locu di u turneu. Scontru cù quattru participanti à stu scontru sportivu, chì militanu per una più grande accessibilità in u sportu.
