Dopu à un macciu di quelli, e « bianche è nere » anu battutu à Nîmes, capimachja di a classifica, issu dopu meziornu à u Rossinu. L’Aiaccine collenu à a cinquesima piazza di a classifica.
D’un cantu, una squadra capimachja di a classifica ch’ùn hà più persu dapoi u mese di nuvembre, da l’altru, Aiaccine chì volenu stà maestre nantu à e so terre, issu macciu di a 15a ghjurnata hà tenutu tutte e so prumesse. Spettaculu, imbusca, ritimu, ci eranu tutti l’elementi necessarii per dà un maccione induve e « bianche è nere » sò state à l’appuntamentu. In issu macciu assai fisicu, l’Aiaccine entrenu abbastanza bè è ùn si lascianu micca marchjà nantu à i pedi (5-5, 8a). A squadra di Nîmes « mette u pede » è ùn rispetta micca sempre e regule ind’una partita induve e « bianche è nere » sò prisente, rispundendu cum’ellu ci vole à a sfida fisica imposta da l’avversariu. Ma hè ver, ch’in facia, i « verdi » anu qualità tecniche è percussione chì ponu fà paura. Fidele à u so pianu di ghjocu, u HAC risponde cù una grinta tremende (8-6, 13a). Ma Nîmes prufitta d’una superiorità numerica per fà valè e so qualità è retablisce a parità. Un prilu tempu assai staccatu cù chì face piuttostu l’affare di l’avversariu. Ma a squadra di Nîmes, prufitta, ella, d’un mumentu di debulezza aiaccinu per piglià a suprana è cuntà trè realisazione d’avanza (12-15, 24a). Ma u HAC cuntuneghja nantu à u so ritimu, si ne rimette à Cloé Lehnen chì face miraculi in a cabbia, riface u so ritardu è compie ancu u primu tempu cù un puntu d’avanza à un pannellu di marca (16-15).
Cloé Lehnen decisiva
L’Aiaccine entre megliu in u secindu tempu (19-16, 34a) è facenu dubbità u so avversariu malgratu u « Bulldozer » Semerle chì caccia tuttu nantu à u so passaghju. Mattea Renucci et Sana Mafsal permettenu à e femine d’Anne Maistre di cuntà quattru punti d’avanza (26-22). Ma, in facia, ùn ci micca n’importa quale è u capimachja di a classifica vole ripiglià u so statutu. Face una parte di u so ritardu (26-24) è prufittanu d’un penalty mancatu per esse à u toccu à toccu cù u HAC. Ferma una minuta à ghjucà quandu Semerle face torna una volta u ménage in a difesa aiaccina (28-27). In a tribuna, i sustenitori aiaccini tremanu. À qualchì seconda di a fine, Cloè Lehnen impedsce Renault di dà a parità à i so culori. Una bella vittoria. Brave!
Sala di u Rossini
HAC-Nîmes 28-27 ( 16-15)
Arbitri: MM. Lampe è Ménaud
Spettatori: 300 à pocu pressu
Evoluzione di a marca: 3-4 (5a), 5-5 (10a), 8-8 (15a), 9-12 (20a), 12-14 (25a),16-12 (30a), (35a), (40a), (45a), (50a), (55a), (60a)
HAC: purtiere: Guillemotonia (3 arresti), Lehnen (13 arresti), Poli (un penalty arrestatu)
Realisatrice: Dos Santos (4), Renucci (4), Clément (4), Tabere (4), Ouaret (4), Mafsal (4), M. Rutily (1), Bonin (3)-add: A. Maistre
Nîmes:
Purtiere: Leviez (6 arresti), Arnaud (5 arresti)
Realisatrice: Roelandt (3), Curabec (1), Semerle (6), Artaud (3), Hantz (5), Brun (1), L.Biscuit (2), J.Biscuit (1), Polo (2), Renault (1), Van de Voorde (3)-Add: A.Soulier
