U tiru à l’imbusca di l’ottesime di finale di a cuppa di Francia, chì s’anu da ghjucà u primu o u dui di ferraghju di u 2020 à u Palatinu
, hà sceltu, torna una volta, a squadra di Parrighji cù tutte e so “stelle” per ghjucà contru à u GFCA. L’occasione, perchè micca, di piglià a rivincita…
Dui anni. Eccu u tempu passatu dapoi a prima partita di cuppa di Francia trà u PSG è tutti i so ghjucadori internaziunali è u GFCA, chjucu, chjucucciu, Di fattu, a storia ripiglia listesse squadre, listessu locu (U Palatinu) è listessu giru (ottesime di finale). U tiru à l’imbusca di marti scorsu hà decisu di mette, torna una volta, a squadra di a Capitale, nantu à u caminu di u GFCA. U sette di ferraghju di u 2018, u PSG vinse senza difficultà à u Palatinu di fronte à una squadra aiaccina chì ghjucava à l’epica in Naziunale duie (17-42). Davanti à più di dui mila persone. Acqua sotta à i ponti, n’hè passata un pocu dapoi. Frà tempu, Parrighji ferma Parrighji ma Aiacciu, per contu soiu, hè cullatu appena. Passendu da a N2 à à N1 induve hè capifila. PIan’pianinu, s’avanza per l’omi di Francescu saveriu Ripoll, ch’anu mustratu u so valoredi fronte à Istres sabbatu scorsu. L’addestradore hè dinò scambiatu. Oghje, ghjè Yan Basny chì gestisce un gruppu di qualità è di sperienze. Di regula, ùn basterà micca per sfundà a furturezza parrighjina….Ma cum’ellu dice Fanfan Tagliaglioli, presidente di u futbal, “impussibile, ùn hè micca GFCA…!” Si pò sempre sunnià à qualchì ghjornu di Natale. In tutti i casi, un bellu rigalu per i rossi è turchini…
